Meang-ang eyaddad latlatuh hu ngunuddan tuud payew meippalpud ahi gaud ingganah ni ahibeklay. Ya eyad nemangulun latlatuh ey kamengapya eya lakin gaud ma-lat usalen tun mangge-ud. Ey han nan-aledu, namgay, nanwaal ey han nedateng hu pagey. Yadda wada alang tu niya mahkang payew tu ey daka itten-ak et ida kamampalsin killum. Yadda nambatewil niyadda nangkayyabang ey ida nemagey. Daka pan-i-anemut hu pagey dan nalpud alang. Ihha-yung da ey han da bineyu. Hedin nampan-ani law emin bimmebley, mandaddan ida et mambeklay ida.
